Фудбалерите на Барселона не успеаја да се пласираат во полуфиналето на Лигата на шампионите откако беа поразени во дуелот со Атлетико Мадрид со вкупен резултат 3:2.
Зошто проблемот со улични кучиња СÈ УШТЕ постои? | Уште еден поткаст
Каталонците победија со 2:1 во реваншот, но не успеаја да ја надополнат загубата од 2:0 на првиот натпревар што се одигра на стадионот Камп Ноу претходната недела.
Вториот гол за Барселона го постигна Феран Торес, а на социјалните мрежи се појави видео кое сугерира дека погодокот требало да биде поништен.
Имено, во 21. минута од натпреварот, Адемола Лукман ја уфрли топката во казнениот простор, а Жерард Мартин интервенираше по ударот на Антоан Гризман.
Французинот бараше корнер за Јорганџиите, но судијата Клеман Турпан не ги уважи неговите протести и покажа аут за Барселона.
Гостите ја контролираа топката две минути, при што имаше прекин поради прекршоци и корнер, а во 24. минута Феран Торес го постигна вториот гол за Каталонците.
Корисниците на социјалните мрежи сметаат дека голот на Торес требало да биде поништен, а нас не интересира вашето мислење, кое можете да го изразите во коментар
Да додадеме дека Атлетико во полуфиналето на Лигата на шампионите ќе игра против подобриот од дуелот помеѓу Арсенал и Спортинг, додека во другото полуфинале ќе се соочат ПСЖ и победникот од натпреварот меѓу Реал Мадрид и Баерн.
Учество во игри на среќа е дозволено за лица со 18+ години. Играј одговорно!