Легендарниот голгетер жестоко удри по Артета: Неговите методи се апсурдни!

Гери Линекер остро го критикуваше менаџерот на Арсенал, Микел Артета…

Гери Линекер јавно го искритикува шпанскиот тренер Микел Артета по поразот на Арсенал против Борнемут во минатото коло на англиската Премиер лига.

Поранешниот напаѓач на англиската репрезентација во емисијата „Фудбалски одмор“ истакна дека Арсенал се натпреварува самиот со себе и покажува дека притисокот го погодува, посочувајќи го шпанскиот менаџер како одговорен за падот на тимот од Лондон.

Линекер го опиша начинот на тренинзите на Артета како срамен, иако тимот се наоѓа на врвот на Премиер лигата со шест поени предност над Манчестер Сити, но со одигран еден натпревар повеќе.

“Методите на тренинг на Артета скоро и да се на граница со апсурдни, си дозволувам да кажам. Очигледно, со моливи и сите што ги држат, а потоа проектираат тикток видеа на огромни екрани за време на тренинзите… ако сериозно настапуваат, треба да останат смирени”, изјави Линекер, давајќи коментар што предизвика шок во англискиот фудбал.

Артета неодамна ја предизвика неговата екипа да работи во групи, балансирајќи топки меѓу главите додека држат моливи на врвовите од прстите и се движат заедно.

Покрај тоа, „Топџиите“ тренираат слушајќи тикток видеа генерирани од вештачка интелигенција на огромни екрани во Лондон Колни.

Линекер го советуваше на Артета дека ако веќе одлучил да работи со вакви необични методи, да го прави тоа во тајност и да внимава никој да не снима.

“Тоа би бил мојот искрен совет. Тоа мора да биде предизвик затоа што претпоставувам дека ако победуваат, никој нема да се буни. Проблемот е кога привлекуваат внимание, а потоа не победуваат, тогаш може да стане поголем проблем,” изјави Линекер.