Левандовски и Ретеги се нудат на италијанските великани!

Роберт Левандовски и Матео Ретеги се понудија на италијанските великани, пренесуваат медиумите на „чизмата“.

Напаѓачот на Барселона започна преговори со управата на Милан околу преминот на Сан Сиро од наредната сезона, додека Матео Ретеги изрази желба да се врати во татковината и ги нуди своите услуги на Јувентус.

Левандовски има договор со Барселона до крајот на тековната сезона, додека Ретеги е во Саудиска Арабија. Минатото лето тој премина од Аталанта во Ал-Кадсијах за 68 милиони евра.

Во оваа сезона, Полјакот за Барса постигна неколку голови, додека Ретеги во тимот од Саудиска Арабија се запиша како стрелец 18 пати.