Нова пикантерија на шпанските медиуми: Меси го исмејувал Роналдо!

Како што пишуваат шпанските медиуми Меси и екипата добро се забавувале гледајќи го натпреварот помеѓу АПОЕЛ и Реал Мадрид.

Меси и Роналдо секогаш се обидуваат да го одржат имиџот на здраво ривалоство, но медиумите во Шпанија често пати успеваат да пронајдат ситни детали.

Така беше и овој пат. Имено, фудбалерите на Барселона во хотелот во Торино каде што биле сместени го следеле натпреварот на Реал Мадрид против кипарски АПОЕЛ и наводно уживале и гласно се смееле гледајќи ја првата ѕвезда на „кралевите“, Кристиано Роналдо како ги прославува погодоците.

Кристиано Роналдо бурно, можеби и претерано ги прослави новите два погодоци што било причина за неговиот најголем ривал да се шегува на негова сметка.

Иако Роналдо беше стрелец на петиот и шестиот погодок во натпреварот против АПОЕЛ ги прослави како во прашање да е финале во Лигата на шампионите.

Сепак причина за бурното славје на Роналдо можеби е тоа што со двата постигнати погодоци успеа да собори и два рекорда во ова натпреварување.