Британец го предупреди Ѓоковиќ!

Најдобриот српски тенисер Новак Ѓоковиќ се соочува со можноста неговата одлука да настапува на ограничен број турнири да му ги намали шансите за освојување на рекордната 25. грен-слем титула..

Во завршната фаза на кариерата, Ѓоковиќ јасно става до знаење дека фокусот кон настапите на турнирите од серијата 1000 повеќе не му е на исто ниво, што го потврди со повлекувањето од турнирот во Мајами и одлуката да го прескокне Монте Карло.

Овие одлуки веќе почнаа да имаат последици. Германецот Александер Зверев го презеде третото место на АТП листата, додека Ѓоковиќ ризикува да падне уште пониско.

Иако повеќе не се концентрира на бодовите, позиционирањето меѓу првите четири носечки му носи огромна тактичка предност – избегнување на дуели со Карлос Алкарас и Јаник Синер сè до полуфиналата на Гренд слем турнирите.

Поранешниот британски број еден Грег Руседски верува дека тука е коренот на проблемот.

“Не е прашање на бодови, туку на носителите. Мора да остане во првите четири. Ако падне, може рано да се соочува со Алкараз, Синер или Зверев, а тоа значително го отежнува патот до титулата”, предупредува Руседски.

Очекувањата се дека Ѓоковиќ ќе ја започне сезоната на земјена подлога во Мадрид или Рим, како подготовка за Ролан Гарос, каде што брани многу бодови по минатогодишното полуфинале.

Неговиот последен натпревар беше пораз од Џек Дрејпер на турнирот во Индијан Велс, што дополнително отвора прашање за формата поради недостаток на натпреварувачки ритам.

Иако со малку бодови за одбрана во наредните недели може да го задржи своето место меѓу четворицата најдобри, поголем проблем е недостигот на натпревари и натпреварувачка острина.