Ракометарите на ГРК Охрид испишаа историски успех, обезбедувајќи пласман во полуфиналето на Европскиот Куп на ЕХФ. „Гладијаторите“ пред својата публика славеа минимална победа од 25-24 против Олимпијакос, што беше доволно за место меѓу најдобрите четири, благодарение на триумфот од првиот меч во Грција.
Зошто проблемот со улични кучиња СÈ УШТЕ постои? | Уште еден поткаст
Тимот предводен од Борис Ројевиќ одигра сигурен и контролиран натпревар, не дозволувајќи противникот да ја доведе во прашање вкупната предност. Поддршката од преполните трибини беше дополнителен мотив, а охриѓани уште од стартот го диктираа темпото.
Охрид рано поведе со 6-4, потоа ја зголеми предноста на 9-7, а во еден период стигна и до плус четири (14-10). До крајот на првото полувреме, гостите намалија на 14-12, но во продолжението домашниот тим мудро ја одржуваше контролата. Иако резултатски беше неизвесно во вториот дел, вкупниот победник во ниту еден момент не беше доведен во прашање.
Победата беше потврдена во самиот финиш, а во полуфиналето од ЕХФ Купот, ГРК Охрид ќе се соочи со словенечкиот Целје.
Учество во игри на среќа е дозволено за лица со 18+ години. Играј одговорно!