Интересот на Интер за 24-годишниот играч од средниот ред на Рома, Ману Коне, и понатаму е актуелна тема во италијанските медиуми, бидејќи како што се ближи летниот преоден рок, ”нероазурите” се обидуваат да ја обезбедат ”пол-позицијата” во трката за одличниот фудбалер којшто минатата година не успеаја да го ангажираат.
Рома не брза со разгледување на понудите, бидејќи очекува побогати понуди од Премиер лигата, но Интер го засилува интересот.
Исхрана, повреди и тренинг – совети од доктор по спортска медицина | Уште еден поткаст
”Газета дело спорт” денеска пишува дека Ману Коне останува ”главна мета на Интер за следната сезона”, и дека за да го омекнат цврстиот став на римјаните, челниците на Интер би можеле освен пари, на римјаните да им го понудат и италијанскиот репрезентативец Давиде Фратеси.
Истото списание наведува дека Интер би бил подготвен да инвестира до 50.000.000 евра за трансферот на Коне, а вклучувањето на Фратеси во договорот би било еден од начините за потенцијално намалување на трошоците.
Фратеси во последно време нема голема минутажа во Интер кај Кристијан Киву, а ”нероазурите” се надеваат дека оваа понуда би можела да биде интересна за римјаните, бидејќи Фратеси некогаш ја помина и школата за млади играчи на Рома.
Учество во игри на среќа е дозволено за лица со 18+ години. Играј одговорно!