Вистинска драма се одвиваше утрово на тренингот на романската репрезентација. Селекторот Мирчеа Луческу колабираше за време на тренингот и итно беше пренесен во болница.
Сè уште не се познати деталите за тоа што му се случи на 80-годишниот стручњак. Фудбалската федерација на Романија само информираше дека Луческу е во стабилна состојба.
Исхрана, повреди и тренинг – совети од доктор по спортска медицина | Уште еден поткаст
Она што е извесно е дека Луческу нема да ја води екипата во пријателскиот натпревар против Словачка, кој се игра во вторникот, 31 март, во Братислава. Тоа е дуел на двете поразени репрезентации од баражите.
Романскиот новинар Емануел Росу ги пренесува последните информации за состојбата на легендарниот тренер.
“Луческу е во стабилна состојба. Ги чека резултатите од бројните испитувања. Новинарите кои беа таму велат дека од возилото на Брза помош им кажал: ‘Брзи сте. Би биле добри напаѓачи'”, наведува Росу.
Скоро потоа, и 80-годишникот се јави за романскиот GSP. Вели дека е добро.
Учество во игри на среќа е дозволено за лица со 18+ години. Играј одговорно!