Реал Мадрид е потресен од финансиски проблеми

Спокојната спортска и техничка ситуација во Реал Мадрид во последните недели, или барем поспокојна од обично, не одговара на институционалната и економската состојба на клубот. Според објавите на „El Confidencial“, клубот, под раководство на Флорентино Перес, има акумулирано долг од 1,78 милијарди евра. „Со проблемите кои произлегуваат од реновирањето на стадионот „Сантијаго Бернабеу“, ситуацијата е загрижувачка“, објавуваат весниците. Како што може да се види од извештаите што ги доставил Реал Мадрид на своите членови, шест показатели укажуваат на деликатната економска состојба на клубот на среден и долг рок.

Првиот и највпечатлив показател е падот на ликвидноста. До 31 декември 2025 година, Реал Мадрид располага со само 3,4 милиони евра во готовина и парични еквиваленти. Оваа сума е значително пониска од регистрираните 175,8 милиони евра шест месеци порано, на крајот од претходната финансиска година.

На второ место е падот на нето добивката. Резултатот е 5,2 милиони евра, што претставува пад од скоро 80% во споредба со претходните периоди, како на пример 29,4 милиони, пријавени за истиот период од претходната година. Основната причина е зголемувањето на трошоците за плати и поврзаните трошоци за тимот, кои се зголемиле за 26,2% до 318,9 милиони евра.

Освен тоа, приходите исто така се намалиле. Во првата половина од сезоната 2025-26 Реал Мадрид го регистрира приходот од 571,3 милиони евра, што е 18,5 милиони помалку во споредба со истиот период во 2024 година. Вкупните оперативни приходи се 613 милиони, додека за претходниот период биле 636 милиони. При трговските приходи падот е 11,7%; при клубските продавници – 22,4%; при турата на стадионот и музејот – 2%; а при настаните падот е драстичен – 28,3%

Четвртиот показател, што ги одразува лошите финансиски резултати на Реал Мадрид, е зголемувањето на финансиските трошоци за 10%. Клубот започнал да користи неискористени досега кредитни линии во вкупна вредност од 475 милиони евра, најголем дел од кои со доспеује во тековната година, за да ги покрие тековните потреби за парични средства.

Потоа следува негативниот работен капитал од 406 милиони евра на крајот од 2025 година, додека во декември 2024 година бил 186 милиони. Ова влошување на работниот капитал значи дека краткорочните обврски значително ги надминуваат достапните ресурси за нивно исплаќање.

На крај, според „El Confidencial“, вклучувајќи го и долгот за финансирање на реконструкцијата на стадионот „Бернабеу“, вкупните обврски на клубот достигнуваат околу 1,78 милијарди евра. Од тие, 467 милиони се тековни обврски, а 1,312 милијарди се нетековни пасиви. До 1 јануари 2026 година, Реал Мадрид акумулирал 117,5 милиони евра краткорочен банкарски долг и 99,9 милиони долгорочен.