Проблеми за Арсенал и Сити, Тухел се налути, сите се прашуваат „што се случува со Роналд Араухо“? (Видео)

Крилниот напаѓач на Арсенал, Нони Мадуеке, се повреди на пријателскиот натпревар помеѓу Англија и Уругвај, додека Фил Фоден ќе биде подложен на медицински прегледи. 

Мадуеке мораше да го напушти теренот уште во првото полувреме кога го замени Боуен, а по натпреварот беше виден со стеги за колено, што секако е загрижувачко за навивачите на Арсенал и Микел Артета. 

Освен него, се повреди и Фил Фоден по дивјачкиот старт на Роналд Араухо. Уругваецот жестоко стартуваше врз асот на Сити, што го разбесни Томас Тухел. Тој по натпреварот ги критикуваше и Уругвајците поради грубата игра, но и судиите што го дозволија тоа.

„Бев изненаден кога слушнав дека ВАР работи, мислев дека е расипан, бидејќи не проверија ни прекршокот врз Мадуеке, ниту после тоа врз Фоден“, рече лутиот Германец.

Инаку, Фоден неколку минути по овој старт го напушти и натпреварот, а степенот на повредата ќе биде дополнително познат. 

Не е чудо што Араухо од синоќа е мета на критики, ова беше навистина непотребен старт на пријателски натпревар.  

This is intentional, man. Doing this in a friendly? You’d have to be a diabolical kind of player. Dark, dark stuff.pic.twitter.com/tZH2eUc8Nq

— Geronimo Morgans (@GeronimoMorgans) March 27, 2026