Ова ќе се памети долго: Барселона ги понижи Реал среде Мадрид за сите времиња (Видео)

Во рамките на Лигата на шампионите за жени се одигра спектакуларното „Ел Класико“ во кое Барселона го уништи Реал со резултат 6:2 среде Мадрид.

Од самиот почеток беше јасно дека гостите доаѓаат по победа и нема да калкулираат.

Барселона поведе уште во 6. минута кога Ева Пајор ја искористи шансата и ја затресе мрежата на домаќините.

Само седум минути подоцна следуваше нов удар за Реал, а за 2:0 постигна Есме Брюгс во 13. минута.

Домаќините се обидоа да одговорат, па во 30. минута Линда Каиседо го намали резултатот и ја врати надежта на својот тим.

Меѓутоа, славјето не траеше долго затоа што Ирена Паредес веќе во 32. минута постигна погодок за 3:1. До крајот на првото полувреме Барселона ја контролираше играта потполно и замина на одмор со голема предност.

Во продолжението на натпреварот беше видена уште поотворена игра од двете страни. Барселона во 57. минута ја зголеми предноста, а повторно беше прецизна Ева Пајор.

Реал Мадрид успеа уште еднаш да ја затресе мрежата преку Линда Каиседо во 66. минута, но тоа не го промени текот на натпреварот.

Само две минути подоцна стигна нов студен туш за домаќините, кога Викки Лопез постигна за 2:5.

Конечниот удар на Реал му го зададе Алексија Путељас со гол од пенал во 89. минута. До крајот на натпреварот немаше поголеми промени, а Барселона рутински го приведуваше мечот кон крај.