Незадоволство во Барселона: Камерите го фатија гневот на Јамал, соиграчите го смируваа! (ВИДЕО)

Младиот талент на Барселона, Ламин Јамал, го изрази своето големо незадоволство поради тоа што тренерот Ханси Флик го повлече од теренот за време на натпреварот против Рајо Валекано, а неговата бурна реакција на клупата ја фатија камерите.

Барселона со труд успеа да го совлада Рајо Валекано со резултат 1:0, а клучните минути од финишот на натпреварот, додека каталонскиот тим ја бранеше предноста, главната ѕвезда на тимот, Ламин Јамал, ги помина на клупата.

Тренерот Ханси Флик реши да го замени во 82. минута, а тоа никако не му се допадна на младиот играч. Шпанските медиуми известуваат дека неговото разочарување било многу јавно изразено.

Ламин Јамал се налутил на Ханси Флик поради замената. Камерите го снимија моментот. Упати неколку гестикулации кон Флик, пишуваат медиумите.

Подоцна, се сврте кон соиграчот Бернал и рече: “Секогаш мене ме заменува! Секогаш! Ќе полудам!” Еден од членовите на стручниот штаб се обидел да ја смири ситуацијата, но наишол на сличен одговор: “Не. Секогаш мене ме заменува.”

Otro desplante de Lamine Yamal a Hansi Flick.

Esto no saldrá en ningún medio 🤢🤢🤢 pic.twitter.com/CaWPhrBrGp

— (fan) REAL MADRID FANS 🤍 (@AdriRM33) March 22, 2026