Гатузо и Италијанците добијаа најлоши вести пред баражот за СП

Италијанската репрезентација влегува во најважните денови од циклусот, но атмосферата во таборот не е ни приближно идеална.

Наместо мир и подготовка за решавачките дуели, пристигна вест која ги загрижи сите.

Се повреди Џанлука Манчини, дефанзивецот на Рома мораше да го напушти теренот веќе на полувремето при минималната победа од 1:0 на неговиот тим.

На прв поглед, се чинеше дека не е ништо сериозно, но првите проценки зборуваат за истегнување на листот. Со други зборови, неговото учество во баражот виси на конец.

Гатузо доби нов удар што доаѓа во најлош момент.

Манчини, и покрај проблемот, ќе се појави во кампот на репрезентацијата во Коверчиано. Тоа сепак не значи дека ќе игра. Напротив, неговата состојба е под големо прашање.

Планирано е уште денес да направи детални лекарски прегледи. Тие наоди ќе дадат конечен одговор – може ли да помогне или не.