„Само еден фудбалер од сегашниот тим на Реал би имал место во првата 11-ка на Галактитосите“

Поранешниот напаѓач на Реал Мадрид, Фернандо Мориентес, и овој пат даде остра и директна проценка за сегашниот тим на Кралевите. Во разговор за „Post United“, легендарниот Шпанец го спореди денешниот Реал Мадрид со славниот тим на Галактитосите од раните 2000-ти.

Мориентес истакна дека денес е тешко да се најде играч во сегашниот состав кој би бил рамноправен член на таа славна постава, а на прашањето кој од актуелниот тим би бил постојан стартер во тимот на Галактитосите, одговори без околкулирање:

„Одбрав само еден. И јасно, тоа е најдобриот меѓу денешните.“

Поранешниот репрезентативец на Шпанија потоа го прецизираше својот избор:

„Мбапе е во моментов најдобриот фудбалер во светот, и не само поради головите, туку и поради неговата комплетна игра.“