Легендарниот голман на работ од солзи: Го одиграв можеби последниот меч во кариерата, сè е уништено!

Данскиот голман Каспер Шмајхел, член на легендарната генерација на Лестер која освои Премиер Лига, оваа сезона е член на Селтик.

Во гостување на CBS Sport, коментирајќи ги натпреварите од Лига на шампиони, Шмајхел изјави дека е блиску до крајот на својата кариера.

– Можеби го одиграв последниот натпревар во кариерата. Од денот кога се родив, фудбалот е дел од мене. Многу ми е тешко да сфатам што ми се случува во овој момент. Кога ќе се вратам во форма, ќе имам повеќе од 40 години. Ќе ми бидат потребни две операции за да се опоравам. Ако се вратам на теренот, ќе биде тоа најголемото достигнување во мојата кариера. Ќе се борам, ќе се обидам сè што можам, рече Шмајхел.

Тој откри за каква повреда станува збор.

– Ја искинав бицепсата, го ишчашив рамото и го искинав лабрумот. Сè е уништено. Да го кажам тоа на начин што сите можат да го разберат – како кога играч ќе искине предни крстосани лигаменти и ахилова тетива и се опоравува од двете повреди. Ме чека пауза од 12 месеци, можеби и повеќе. Фудбалот ми значи сè, тоа е целиот мој живот, дел од мојот идентитет.