Хаос во Челзи: Росениор на удар, Енцо не е сигурен за иднината

Пред само осум месеци Челзи во финалето на Светското првенство за клубови го победи ПСЖ и најави големи резултати, но сега ситуацијата е најмалку алармантна.

Енцо Мареска повеќе не е тука, а малкумина веруваат дека Лијам Розениор е подготвен да издржи големи притисоци и соработка со управата на клубот.

Очекувано, веќе постојат шпекулации дека управата ќе го „оценува“ на крајот од сезоната врз основа на резултатите, кои во овој момент не се ветувачки. ПСЖ победи со вкупен резултат 8:2, а поразот од Њукасл дополнително ја закомплицира борбата на Челзи за пласман во Лигата на шампионите.

Сепак, Розениор имаше подготвен одговор на критиките.

„Екипата одигра над 100 натпревари во 18 месеци, без вистински одмор. Тоа не е изговор, туку последица од освојувањето на СП за клубови. Морам да донесам многу тешки одлуки кои можеби нема да изгледаат како вистински. Сè уште сме во игра за трофејот во ФА купот“, рече Росениор.

Дополнителен проблем за Челзи е и необичната изјава на капитенот Енцо Фернандес по поразот од Челзи. Аргентинецот јавно изјави дека не може да гарантира дека ќе остане во клубот и следната сезона.

„Не знам дали ќе бидам тука и следната сезона. Имаме уште осум натпревари и ФА куп. Потоа доаѓа Светското првенство, па ќе видиме”, рече капитенот на Челзи.

И на ова мораше да одговори Росениор на прес-конференцијата.

„Не ја видов неговата изјава. Тешко ми е сега да одговарам на такви шпекулации веднаш по натпреварот. Сакам да се фокусирам на најважната работа во овој момент, а тоа е што подобар резултат во викендот против Евертон”, истакна Розениор.