Менаџерот на Манчестер Сити Џосеп Гвардиола верува дека неговиот тим може да го надополни заостанувањето од три гола против Реал Мадрид и да продолжи во четвртфиналето на Лигата на шампионите.
Шпанецот е сигурен дека неговите играчи ќе создадат доволно шанси на „Етихад“, но поважно е колку стабилно ќе се претстават во одбраната, бидејќи не треба да примат нови голови.
Street Workout Macedonia – Движење што гради сила, карактер и издржливост | Уште еден поткаст
„Можеме да го направиме тоа. Многу работи можат да се случат во еден фудбалски натпревар. Прво треба да се концентрираме на тоа да победиме, а потоа ќе видиме што ќе се случи понатаму. Немам конкретен план. Едноставно ќе се обидеме.
Моите играчи ме познаваат многу добро. Нема потреба да ги убедувам во нешто после 10 години. Се обидуваме да победиме секој натпревар. Сигурен сум дека ќе се обидат да го направат тоа. Секако, за повеќето од нив ова е непозната територија. Не сме иста група како што бевме долго време, но во исто време ќе биде неверојатно искуство да се обидеме“.
„Задачата е огромна. Да постигнеш три гола против Реал не е лесно. Резултатот од првиот натпревар не е совршен, но сепак сме домаќини и сè може да се случи.
Ни е потребна совршена игра во многу погледи. Можеме да создадеме шанси, го знаеме тоа. Ако сме способни да бидеме клинични и особено добро да се браниме, тогаш ќе бидеме во игра“, изјави Гвардиола.
Учество во игри на среќа е дозволено за лица со 18+ години. Играј одговорно!