Трамп за учеството на Иран на Мундијалот 2026: Не мислам дека е паметно да бидат тука

Американскиот претседател Доналд Трамп денес изјави дека иранскиот фудбалски тим е добредојден да учествува на Светското првенство летово, но истакна загриженост за „нивниот живот и безбедност“, пренесе Ројтерс.

„Иранскиот национален фудбалски тим е добредојден на Светското првенство, но навистина не сметам дека е соодветно да бидат тука поради нивниот живот и безбедност,“ напиша Трамп во неговата социјална мрежа.

Министерот за спорт на Иран вчера изјави дека Иран не може да учествува на Мундијалот поради нападите на САД и Израел врз неговата земја. Светското првенство, во кое ќе учествуваат 48 тимови, ќе се одржи во САД, Канада и Мексико од 11 јуни до 19 јули 2026 година. Натпреварите на Иран од предворителната група треба да бидат одиграни на американска територија – во Лос Анџелес и Сиетл.