Јувентус преговара со дефанзивец на Борнмут

Јувентус води преговори за доведување на дефанзивецот Маркос Сенеси од Борнмут како слободен агент, објавува „Газета дело Спорт“.

Договорот на аргентинскиот репрезентативец со „црешките“ истекува на крајот на сегашната сезона и се очекува тој да добие понуди од повеќе клубови. Според италијанскиот весник Јувентус не е единствениот тим што ќе го бара потписот на бранителот, иако „бјанконерите“ се првите кои започнале формални преговори со неговите агенти.

Сенеси пристигна во Борнмут од Фејнорд во 2022 година и во четирите сезони со црвено-црниот дрес има натрупано 119 натпревари, во кои постигнал 6 голови. Со репрезентацијата на Аргентина досега има две учества, последното од кои беше во октомври 2025 година.