Драмата на иранските фудбалерки: Најголем број се враќаат, неколку остануваат во Австралија

Нетрпеливоста околу судбината на иранските фудбалерки присутни на Азискиот куп во Австралија не престанува.

Додека поголемиот дел од тимот се на пат за дома, неколку членки решија да останат во Австралија, каде добија таканаречени хуманитарни визи поради страв од можни репресии во Иран.

Поголемиот дел од фудбалерките и членовите на стручниот штаб со авион од Сиднеј отпатуваа до Малезија, каде што имаат меѓустаница пред враќањето во Иран. Сепак, останува прашање како ќе се вратат дома поради заканата од израелско-американски воздушни напади кои започнаа на 28 февруари.

Стравот за безбедноста на девојките настана поради нивниот гест за време на интонирањето на националната химна пред првиот натпревар на турнирот против Јужна Кореја, кога ниту една не ја испеа химната.

Тој чин предизвика критики во Иран, а одредени коментатори ги обвинија фудбалерките за „предавство“ и побараа строги казни.

Австралиските власти веднаш контактираа со фудбалерките и стручниот тим, нудејќи им заштита.

Првично, пет фудбалерки изразија желба да останат во Австралија, а набргу им се придружија уште еден играч и член на стручниот тим.

Меѓутоа, една од нив се премисли.

Понудата за останатите членови на делегацијата на аеродромот во Сиднеј беше повторена пред заминување, изјави министерот за имиграција на Австралија, Тони Берк.

Тој додаде дека сите кои останаа ќе добијат постојан престој преку забрзана постапка.

Хуманитарниот програм на Австралија обезбедува постојана заштита на бегалци и лица во хуманитарна потреба.

Носителите на визата имаат право да живеат, работат и студираат во земјата.

Австралиската полиција ги премести „жените кои одлучија да останат на безбедна локација“, објави Берк.

Во врска со одлуката на една од нив која се премисли, Берк истакна дека „во Австралија луѓето можат да го сменат своето мислење, луѓето можат слободно да патуваат“.

„Го почитуваме нејзиниот избор.

„За жал, при донесувањето на таа одлука, нејзините соиграчки и тренерката и советувале да ја контактира иранската амбасада и да ги извести… Така иранската амбасада дозна каде се наоѓаат“, додаде тој.

„Овие пет фудбалерки кои добија хуманитарна виза јасно изјавија дека не се политички активистки.

„Тие се спортистки кои сакаат да бидат безбедни“, рече австралискиот министер за имиграција.

На истиот ден, петте фудбалерки го напуштија хотелот и полицијата ги префрли на сигурно место.

Веднаш по нивното заминување, новинарите на BBC забележале како нивните придружници од делегацијата безуспешно се обидуваат да ги најдат по хотелот.

Берк изјави дека се состанал со жените на безбедна локација и потоа го одобрил нивното барање за визи.

Не е јасно какви последици би можеле да се случат на семејствата на играчите во Иран.

Министерот за имиграција на Австралија изјави дека биле водени разговори со иранските фудбалерки и стручниот тим пред да полета авионот од Сиднеј.

Ниту една друга играчка или член на стручниот тим не ја прифатија понудата да останат, додаде Берк.

Една од нив „се качила во авионот прилично доцна“ од Сиднеј за Малезија по разговори со семејството, додаде.

„Одлуката ја донесе самата, никој не ги присилуваше на ништо“, изјави Берк.

Додаде дека мал број членови од делегацијата не биле поканети да останат – затоа што ги сметаат за официјални претставници на иранската влада.

„Има некои кои ја напуштија Австралија и ми е драго што не останаа“, рече Берк пред полетувањето на авионот од Сиднеј кон Малезија.

Локалните медиуми известија дека најмалку една одби да се качи на летот за Малезија.

Но, некои од играчките, кои имале видлива придружба, наводно изјавиле пред новинарите дека сакаат да се вратат во Иран.

Пред австралиските власти да понудат азил на иранските фудбалерки, тогашниот американски претседател Доналд Трамп побара акција од Австралијците.

„Треба да им обезбедите азил на тие жени. Ако не ги прифатите, САД ќе го стори тоа“, напиша Трамп/p>

Сепак, час подоцна, Трамп објави дека разговарал со австралискиот премиер Ентони Албанезе, кој го информирал дека „петте фудбалерки веќе се згрижени, а со другите се разговара“.

Во објавата на неговата платформа, Трамп напиша дека некои членки на тимот се грижат за безбедноста на нивните семејства во Иран, поради што чувствуваат потреба да „се вратат“.

„Во секој случај, премиерот прави одлична работа со оваа сложена ситуација.

„Бог нека ја благослови Австралија!“, порача Трамп.