Рамос воодушевен: Откри кој му помогнал да го гледа дербито помеѓу Милан и Интер

Милан славеше над Интер со резултат 1:0 во дербито кое се одигра на Сан Сиро во рамките на 28. коло од Серија А. Со оваа важна победа, Милан, го заживеа натпреварот за титулата, намалувајќи го заостатокот зад водечкиот Интер на седум поени. Сепак, Интер и натаму останува во добра позиција во борбата за Скудето.

Со оваа победа, Милан го успори напредокот на својот најголем ривал кој беше на добар пат кон освојување на титулата. Единствениот гол го постигна Перис Еступињан во 35-та минута. Лука Модриќ играше цел натпревар за Милан и беше прогласен за најдобар играч на дербито од Гацета Дело Спорт, со оценка 7.4 што му ја додели Софаскор.

Но, можеби најголемо внимание привлече уште една легенда на Реал. Серхио Рамос (39) ненадејно се појави во ложата на Сан Сиро за време на дербито. Навивачите на Милан беа воодушевени што го видоа легендарниот бранец, па веднаш почнаа да го фотографираат..

Sergio Ramos at the Stadium to support his Gee Luka Modric🥹❤️

pic.twitter.com/d9Nnkael0H

— Miss ADEL🦋🦚🌹 (@a_derll) March 8, 2026

Рамос, во добро расположение, им позираше со насмевка на лицето. Неговото присуство на дербито стана вирално кога на Инстаграм, каде што има над 67 милиони следбеници, објави стори од познатиот стадион со наслов на италијански: “Благодарам многу, мој Лукица” и го означи Модриќ.

🤍 Sergio Ramos on IG: “Thank you so much, my Lukita.” pic.twitter.com/23RNRYzxff

— Madrid Xtra (@MadridXtra) March 8, 2026

Миланскиот играч за врска, по натпреварот, изјави: “Толку ми е драго што Серхио е овде. Вчера ми кажа дека сака да дојде на дербито. Победата што ја остваривме сега е уште поубава бидејќи тој е тука. Денеска имавме мал дел од духот на Серхио Рамос. Кога капитенот е тука, мора да се победи.”