Дибала се враќа во својата татковина

Пауло Дибала можеби ќе се врати во Аргентина ова лето. Неговиот престој во Рома изгледа дека е при крај. Серија на повреди и договор што истекува укажуваат на оваа насока.

По последната повреда, напаѓачот се подложил на артроскопија на левото колено. Тој нема играно официјален натпревар од крајот на јануари.

Според аргентинските медиуми, постои голема веројатност Дибала да потпише со Бока Хуниорс ова лето. Големиот клуб сè уште нема дадено официјална понуда, но се очекува да води разговори со претставниците на играчот во наредните недели.