Човекот од 100 милиони му кажа „не“ на Реал Мадрид: Би било глупаво да го направам тоа

Реал Мадрид остана без планираното засилување за летниот преоден рок. Португалецот Витиња рече „не“ и не сака да го напушти ПСЖ.

Одличниот играч од средниот ред на ПСЖ, Витиња, го отфрли Реал Мадрид. 26-годишниот не планира да го напушти францускиот тим во текот на летото, и покрај огромните напори на кралскиот клуб да го донесе во своите редови.

Реал многу го посакува овој Португалец. Во Мадрид го гледаат како идеален играч кој ги поседува карактеристиките на Лука Модриќ и кој би го поврзал оваа сезона доста разнишаниот среден ред.

Кралевите беа подготвени да издвојат 100 милиони евра за неговите услуги. Сепак, Витиња не сака да си замине од ПСЖ и тоа јасно го изјави:

„Би било глупаво да си заминам. Сметам дека тоа не е најдобрата работа за мене”, изјави Витиња за „Канал 11“ и продолжува:

„Се чувствувам многу добро во ПСЖ. Чувствувам дека луѓето ме ценат и дека го заслужив тоа. Сакам да играм за ПСЖ, и моето семејство ужива во Париз. Имаме одличен тим и врвен тренер“, рече Витиња.