Во 21. коло од Првата фудбалска лига денеска се одиграа два натпревари полни со голови, а радоста ја вкусиле екипите на Македонија Ѓорче Петров и Тиквеш.
Зошто проблемот со улични кучиња СÈ УШТЕ постои? | Уште еден поткаст
Работнички, кoj влезе во дуелот со две победи по ред, добро стартуваа и преку Талаков по 12 минути стигнаа до водство. Сепак, тоа беше нивниот единствен момент на среќа. Домаќините брзо преземаа иницијатива и во 38. минута преку Али Адем израмнија на 1-1, за во самиот финиш од првиот дел Стојчевски да донесе комплетен пресврт. Подобрата игра на „лавовите“ продолжи и во второто полувреме, а во 57. минута по еден несмасен потег на голманот Ондоа, Николиќ ја смести топката во мрежата за конечни 3-1.
На гости во Чегране, Тиквеш одигра уште поубедлив меч и со убедлив триумф од 5-0 си замина од теренот. Натпреварот беше решен уште во првиот дел кога гостите трипати ја тресоа мрежата. Петте гола беа постигнати од различни играчи: Стојанов, Гуел, Лусианињо, Сила и Голубов.
Учество во игри на среќа е дозволено за лица со 18+ години. Играј одговорно!