Познатиот шпански фудбалски аналитичар, Хулио Малдонадо, не успеа да го прикрие своето разочарување по слабата изведба на Реал Мадрид против Хетафе, изразувајќи посебно остра критика кон еден играч. Тимот на Реал одигра под сите очекувања, демонстрирајќи несигурност и бавност во играта, според шпанските медиуми. Малдонадо го издвои како најслаб поединец англискиот дефанзивец Трент Александер-Арнолд.
Во анализата на мечот на неговиот YouTube канал, кој го следат повеќе од 1.2 милиони луѓе, Малдонадо упати сериозни критики на сметка на англискиот репрезентативец. Неговиот настап го оцени како катастрофален. Смета дека Александер-Арнолд не даде апсолутно ништо во организацијата на играта.
Street Workout Macedonia – Движење што гради сила, карактер и издржливост | Уште еден поткаст
“Трент Александер-Арнолд одигра најлоша партија. Неговиот настап беше навистина лош, крајно лош. На крајот, го замени Карвахал, кој исто така не успеа многу да ги промени работите. Исклучително слаба изведба на Арнолд, без способности да ја организира играта на средината на теренот кога ќе се повлече на позицијата на играч од средниот ред, практично беше незабележлив”, забележа Малдонадо.
Лошата вечер за Реал не помина без реакција од трибините, па речиси секој играч беше испратен со свиркање од навивачите на Сантјаго Бернабеу. По мислење на многумина, сезоната е срамна и со ваков пристап е невозможно да се бориш за трофеи.
Александер-Арнолд дојде во Реал минатото лето, откако целата своја дотогашна кариера ја мина во Ливерпул. Во оваа сезона има проблеми со повреди и форма, па има собрано само 832 минути во 17 натпревари за новиот клуб. Запиша две асистенции. Transfermarkt го проценува на 70 милиони евра.
Учество во игри на среќа е дозволено за лица со 18+ години. Играј одговорно!