Mбапе не им верува на докторите во Реал, го напуштил Мадрид!

Напаѓачот на Реал Мадрид, Килијан Мбапе, го напушти Мадрид и отпатува за Франција.

Според извештаите на Марка, тој е незадоволен од медицинскиот тим на Реал Мадрид.

Весникот од Мадрид информира дека играчот минатата недела заминал за Франција, каде што, со дозвола од клубот, се консултирал со неколку специјалисти за проблемите со коленото.

Незадоволен од решенијата понудени од лекарите на Реал Мадрид, напаѓачот сега бара одговори надвор од Валдебебас.

Според шпанските медиуми, Мбапе се очекува да биде надвор од терените следните три до четири недели.

Најлошата вест за Реал е можноста дека можеби ќе ги пропушти двете средби од осминафиналето на Лигата на шампионите против Манчестер Сити.