Поранешниот фудбалер на Барселона за првпат откри зошто денеска работи во продавница за спортска опрема

Жереми Матије, некогашниот дефанзивец на Барселона, отворено зборува за тешкиот период низ кој минува по завршувањето на професионалната фудбалска кариера, објаснувајќи зошто денес работи во француска продавница за спортска опрема само шест години по неговото пензионирање.

Четириесет и двегодишниот Французин порано беше еден од најценетите дефанзивци на неговата генерација. Со дресот на Барселона освои две титули во Ла Лига, два пати Купот на кралот, и беше дел од тимот што ја освои Европа во 2015 година. Сепак, неговото денешно секојдневие е значително различно од оној живот што го живееше како врвен фудбалер.

Минатата година навивачите беа изненадени кога на интернет се појави фотографија на која Матије работи во продавница за спортска опрема Интреспорт, како менаџер на фудбалскиот оддел во филијала помеѓу Екс-ан-Прованс и Марсеј. Сликата на некогашниот играч на Барселона во службена униформа брзо се прошири на социјалните мрежи, а многумина доаѓаа во продавницата само колку што да го видат.

Имајќи предвид дека за време на престојот во Барселона, наводно, заработуваше околу 100.000 евра неделно, фактот дека работи „нормална“ работа изненади многумина. Но, во интервју за beIN Sports, Матије откри дека зад сè се кријат сериозни животни проблеми.

“Ако работам во Интреспорт, тоа е поради ситуации што ми предизвикуваат многу проблеми. Во тек сум на судски спор. Тоа не е засекогаш. Тоа е само поради социјалниот живот”, објасни Французинот.

Тој признава и дека се бори со депресија и сѐ уште се обидува целосно да се опорави. Поранешниот соиграч Лоик Ловал-Ландре му помогнал да најде работа за да излезе од дома и повторно да се вклучи во социјалниот живот.

“Знаеше дека сакам да излезам од дома, бидејќи некое време не правев ништо. Разговаравме и ми рече дека има слободно работно место”, открива Матије.

Својата кариера ја заврши во 2020 година, поради сериозна повреда на коленото во дресот на Спортинг Клуб де Португалија. Тогаш имаше 36 години.

Матије влезе од клупа во финалето на Лигата на шампионите 2015 година против Јувентус, каде Барселона славеше со 3:1 под водство на тренерот Луис Енрике, и ја комплетираше историската тројна круна.