Вакво нешто не се гледа секој ден: Српски тенисер победи без борба во последниот поен (Видео)

На турнирот ATP 500 во Акапулко (Мексико), четвртфиналниот меч ќе биде запаметен по невообичаениот начин на кој српскиот тенисер Миомир Кецмановиќ го совлада Теренс Атмане. Последниот поен заврши на контроверзен и редок начин.

Кецмановиќ убедливо го водеше својот противник со резултат 6:3 и 6:3 за да обезбеди место во полуфиналето на силниот турнир во Мексико. Но последниот поен беше нешто што ретко се видува во тенисот.

Мечот заврши со казнениот поен. На меч-топка за Кецмановиќ, Атмане беше казнет за “прекорачување на времето”.

Поточно, Атмане не беше подготвен во предвиденото време за примање на сервисот на противникот и судијата го казни со губење на поенот. Поради тоа што тоа се случи на меч-топка, дуелот заврши на овој начин, а гледачите останаа во шок кога видоа што се случи.

Something you don’t see every day 🤔

Kecmanovic’s 6-3 6-3 win over Atmane ends with a time violation.#ATM2026 pic.twitter.com/uKKEL6XeQw

— Tennis TV (@TennisTV) February 27, 2026

За објаснување, “прекорачување на времето” обично се одредува на играчот кој сервира и го прекорачува временскиот лимит во подготовка за сервис. Во овој случај, се случи нешто поинакво и невидено, тоа е дека временскиот лимит го прекрши играчот кој прима сервис.

Играчот има максимум 25 секунди помеѓу поените за да го започне наредниот, ако не се работи за промена на страните или помеѓу два сета. Првото прекршување на правилото носи опомена, а второто губење на поен. Атмане веќе беше предупреден, па заслужено го загуби последниот поен.

Achievement unlocked 🔓

Miomir Kecmanovic defeats Atmane 6-3, 6-3 to reach a maiden ATP 500 semi-final.@AbiertoTelcel | #AMT2026 pic.twitter.com/zM9NVxyczh

— ATP Tour (@atptour) February 27, 2026