Младата ѕвезда на Барселона, Ламин Јамал, повторно го собори клубскиот рекорд со неговото учество во вчерашната победа од 3:0 против Леванте.
Од шпанскиот шампион потврдија дека токму оваа победа била под број 100 за Јамал со дресот на првиот тим на клубот. Така, со 18 години и 224 дена, тој стана најмладиот играч кој достигнал толкав број победи за Барселона.
Исхрана, повреди и тренинг – совети од доктор по спортска медицина | Уште еден поткаст
Досега ова достигнување му припаѓаше на Бојан Кркиќ, кој го забележал на 20 години и 128 дена, додека топ 3 во оваа листа е дополнета и од Лионел Меси, кој ја достигнал таа бројка на 21 година.
Јамал стигна до победа бр. 100 во 139 натпревари за Барса, при што има регистрирано и 16 нерешени и 23 порази. Во овие натпревари, шпанското крило забележал 40 голови и 48 асистенции. Покрај него, со најмалку 100 победи за каталонците, во актуелниот состав се уште и Френки де Јонг (185 победи), Педри (152), Роналд Араухо (131), Феран Торес (129), Жул Кунде (128), Роберт Левандовски (120), Рафинја (118), Алехандро Балде (109) и Ерик Гарсија (102).
Учество во игри на среќа е дозволено за лица со 18+ години. Играј одговорно!