Талентираниот халф на Барселона, Гави, денес ги обнови тренинзите со основната група, што претставува голем чекор кон неговото враќање на теренот, соопштува „Мундо Депортиво“. Во септември, овој андалузиец повторно го оперираше десното колено, откако беше утврдено дека има оштетување на медијалниот менискус. Пред тоа, тој пропушти речиси една година поради скршена крстна врска на истото колено.
Во последните денови, Гави го зголемуваше интензитетот на тренинзите и денес за првпат се приклучи на своите соиграчи за вежби во почетокот на тренингот на каталонците. Од „Камп Ноу“ сè уште не поставиле рок за враќање на Гави на натпреварите. Тоа ќе зависи од неговиот напредок во наредните недели.
Исхрана, повреди и тренинг – совети од доктор по спортска медицина | Уште еден поткаст
Така, по лошиот период, Ханзи Флик доби добри вести во втор ден по ред, откако вчера стана јасно дека Педри и Рашфорд целосно се опоравени и ќе се вратат во составот на Барселона за натпреварот против Леванте.
Учество во игри на среќа е дозволено за лица со 18+ години. Играј одговорно!