На повидок голем пресврт со ситуацијата на Влаховиќ во Јувентус!

Сè повеќе индикации од Италија укажуваат дека Душан Влаховиќ сериозно размислува да го продолжи договорот со Јувентус.

По подолг период на шпекулации околу неговото заминување, се чини дека српскиот напаѓач не одлучил да го напушти Торино. Напротив, сите можности се уште се во игра, а играчот сам покажува интерес за продолжување на соработката.

И покрај тоа што трансферот изгледаше речиси неизбежен, а договорот на Влаховиќ се ближи до крајот на сезоната, последните информации укажуваат дека тој би можел да стане клучен играч на тимот под раководство на Лучијано Спалети.

Играчот, кој досега беше критикуван заради повредите и неисполнетите очекувања, сега има потенцијал да стане столб на кој Јувентус ќе ја гради својата иднина.

“Соработник близок до неговиот агент открива дека иницијативата за продолжување на договорот доаѓа токму од страна на играчот,” наведува италијанскиот новинар Данијеле Лонго, потврдувајќи дека Влаховиќ сам ја разгледува можноста за останување.

Оваа перспектива го менува претходниот наратив, од играч кој беше на излезна врата, Влаховиќ може да стане лидер на тимот и симбол на новиот Јувентус.

Додека преговорите продолжуваат, целиот фудбалски свет во Италија со внимание го следи секој потег и секој збор на српскиот напаѓач.