Легендата на Рома, Франческо Тоти, потврди дека води разговори за евентуално враќање на “Олимпико” во улога на директор. За оваа можност веќе зборуваа Клаудио Раниери, спортскиот директор Рики Масара, како и тренерот Џан Пиеро Гасперини. Сега за прв пат поранешниот капитен на “волците” ја коментира темата.
“Одсекогаш сум бил фан на тимот. За мене, Рома е мојот дом. Одсекогаш било така, без разлика дали сум во клубот. Задоволен сум од тоа што го прават, од патот што го избрале. Последно време има некои гласини за мене. Вистина е, разговараме, разгледуваме некои детали и решаваме што е најдобро за сите. Се надевам дека наскоро ќе ја разрешиме оваа ситуација.
До кога ќе дишеме отровен воздух!? | Уште еден поткаст
Гасперини прави одлична работа. Се надеваме дека тој ќе ја врати Рома во Лигата на шампионите што е можно поскоро. Вечеряв со него. Разговаравме за фудбал и за разни други работи”, изјави Тоти за “Скај спорт Италија”.
Според италијанските медиуми, идејата на раководството на Рома е Тоти да ја преземе улогата на технички директор на клубот.
Тоти ја помина целата своја фудбалска кариера во Рома, постигнувајќи 307 голови во 786 натпревари и освојувајќи ја титулата во Серија “А” во сезоната 2000-01.
Учество во игри на среќа е дозволено за лица со 18+ години. Играј одговорно!