Најдобрата македонска кошаркарска репрезентација претпладнево ги започна мини подготовките за натпреварите со Словачка и Швајцарија за пласман во квалификацискиот циклус за пласман на Европското првенство во 2021 година.
На првиот рапорт кај селекторот Јорданчо Давитков се појавија 15 кошаркари, па во отсуство на Чековски и Трајковски, одговорноста сигурно ќе ја преземат најискусните Александар Костоски и браќата Стојановски.
До кога ќе дишеме отровен воздух!? | Уште еден поткаст
„Треба да ги поминеме овие претквалификации, да започнеме да одиме нагоре. Ни требаат успеси. Овие две лета што ги имавме беа неуспешни за македонската кошарка и за нас индивидуално. Се надевам дека ова ќе биде еден нов почеток. Словаците се навистина добра репрезентација, физички се доста силни, добро трчаат. Сигурно дека таму нѐ очекува тежок натпревар. Ако не одиграме со 100% од силите, ќе ни биде многу тешко“, изјави капитенот Војдан Стојановски.
Учество во игри на среќа е дозволено за лица со 18+ години. Играј одговорно!