Тренерот на Барселона брутално го „понижи“ Реал и ги потсети на најголемиот срам

Пред полуфиналната пресметка во Купот на кралот против Атлетико Мадрид, тренерот на Барселона Ханси Флик испрати јасна порака до критичарите кои го омаловажуваат патот на неговиот тим до оваа фаза на натпреварувањето. На прес-конференцијата, Флик на сугестијата за „лесен” жреб одговори кратко, но ефективно со замерка на сметка на најголемиот ривал, Реал Мадрид. За тоа детално пишува beIN Sports во статијата под наслов „Ханси Флик брутално го потсети Реал Мадрид на нивното испаѓање“.

На прашањето за перцепцијата дека Барселона имала лесен пат до полуфиналето, соочувајќи се со тимови како Гвадалахара, Расинг Сантандер и Албасете, Флик со поинаков тон изјави: „Прашајте го Реал Мадрид“. Неговата изјава беше директна алузија на шокантното испаѓање на Кралскиот клуб токму од Албасете. Станува збор за второлигаш, а испаѓањето на Реал беше наречено дебакл на сезоната.

Иако новинарите го протолкуваа неговиот одговор како првата „отровна стрела“ кон Мадрид, германскиот стратег подоцна објасни дека не му била намерата провокација. „Мене не ми помага да го критикувам Реал Мадрид. Тоа им помага на вас новинарите, но не и на мојот тим“, рече Флик.