Веќе поранешниот тренер на Марсеј Роберто Де Дзерби веројатно нема долго да биде без работа, пишува Бен Џејкобс.
Според новинарот, италијанскиот стручњак најверојатно ќе се врати во Премиер лигата, каде што постигна добри резултати со тимот на Брајтон. Џејкобс тврди дека Де Дзерби е опција за гигантите од Манчестер Сити и Јунајтед, особено ако Пеп Гвардиола го напушти “граѓаните” на крајот од сезоната.
До кога ќе дишеме отровен воздух!? | Уште еден поткаст
Во овој момент, новиот менаџер на “црвените ѓаволи” Мајкл Карик се справува добро, но сепак неговиот договор е само до крајот на сезоната.
Не е исклучено тренерот да го преземе и страдалниот Тотенхем, уште повеќе што токму со него раководството на “спарси” преговарало пред да го назначат веќе поранешниот менаџер на клубот Томас Франк. Данскиот тренер денес беше отпуштен, откако лондонците натрупаа осум натпревари без победа и се најдоа на незавидното 16-то место.
Инаку, француското издание RMC Sport открива детали околу разделбата на Марсеј и Де Дзерби. 46-годишниот италијанец одржал тренинг во вторник, по што разговарал со играчите и раководството, пред да донесе одлука дека не може да ги извршува обврските.
Учество во игри на среќа е дозволено за лица со 18+ години. Играј одговорно!