Арбитражната комисија на Фудбалската асоцијација (ФА) одлучи дека Ливерпул треба да плати на Челси за Рио Нгумоа такса од 2,8 милиони фунти и 20 проценти од сумата при идна продажба.
Рио Нгумоа беше доведен во Ливерпул од академијата на Челси во септември 2024 година. А летото 2025 година играчот потпиша првиот професионален договор. Мерсисајдците, меѓутоа, не платија никаква надомест, што ги натера Лондонците да се обратат до соодветните органи.
До кога ќе дишеме отровен воздух!? | Уште еден поткаст
Арбитражната комисија на Англиската фудбалска асоцијација постанови дека Ливерпул треба да плати на Челси трансферна такса во износ од 2,8 милиони фунти, која може да расте за уште до 4 милиони фунти под одредени услови, меѓу кои и натпреварите за првиот тим, како и тие со националниот дрес. Освен тоа, во случај на трансфер на левото крило, „сините“ ќе добијат 20 проценти од сумата!
Рио направи фурор на почетокот на сезоната, кога постигна победоносниот гол во 10-та минута на додаденото време на натпреварот против Њукасл Јунајтед (3:2). Вкупно досега има 13 учества за мерсисајдците во сезоната 2025-2026, сите како резерва: 8 во Премиер лигата, 2 во Лигата на шампиони, 2 во Купот на Лигата на Англија и едно во ФА Купот.
Учество во игри на среќа е дозволено за лица со 18+ години. Играј одговорно!