Микел Артета најави значително отсуство во Арсенал: Ќе биде надвор од теренот неколку месеци

Mикел Артета, тренерот на Арсенал, одржа прес-конференција пред натпреварот со Сандерленд и изнесе неколку значајни прашања.

Лондонскиот тим се стреми кон втора последователна победа во Премиер лигата за да ја зацврсти својата водечка позиција, пред големото дерби во недела навечер помеѓу Ливерпул и Манчестер Сити.

„Се обидовме да се подготвиме како што правиме секој викенд. Секој противник е различен и треба да се соочиме со нив како што го правиме тоа веќе долго време. Мораме да ја покажеме гладта за победа и посветеноста на секој натпревар. Доколку успееме во тоа, имаме големи шанси да победиме и да ја подобриме нашата позиција.

Не очекува многу тежок натпревар, Сандерленд имаше неверојатна сезона досега. Знаеме колку ќе биде комплицирано. Имаат одлични индивидуални играчи, многу се борбени и добро подготвени. Поседуваат јасен идентитет и точно знаат што сакаат да постигнат.“

Артета повторно ги избегна прашањата околу борбата за титулата, објаснувајќи дека сите во клубот се тие преокупирани со подготовките за натпреварите за да внимаваат на тоа.

„Немаме многу време да слушаме вакви работи. Преокупирани сме со тренинг и натпревари, така што се држиме настрана од сите тие приказни. Се обидуваме да учиме и напредуваме.“

Шпанецот исто така информираше за здравствената состојба на капитенот Мартин Одегард и Јуријен Тимбер, притоа изразувајќи задоволство од враќањето на Кај Хаверц. Германскиот играч го постигна победничкиот гол во натпреварот против Челси. Напаѓачот Букајо Сака ќе отсуствува некое време, но менаџерот е оптимист дека наскоро ќе се врати.

Исто така, тој изјави дека Микел Мерино ќе отсуствува неколку следни месеци.