Македонскиот олимписки комитет вчера на прес-конференција ги соопшти имињата на спортистите кои ќе ја претставуваат Македонија на Зимските олимписки игри што ќе се одржат во Кортина и Милано, при што беше потврдена и измена во првично најавениот состав.
Како што информираат од МОК, алпскиот скијач Лазарески нема да патува на Олимписките игри поради сомнеж за прекршување на антидопинг правилата, односно поради позитивен наод на допинг-тест. Од Комитетот нагласуваат дека целата постапка се води согласно важечките правила и со целосно почитување на законските процедури, поради што ја пренесуваат и официјалната информација добиена од Националната антидопинг организација – НАДО МКД.
До кога ќе дишеме отровен воздух!? | Уште еден поткаст
„Врз основа на официјалниот извештај (Test Report) пристигнат од акредитираната лабораторија во Seibersdorf, Австрија, во еден од двата примероци утврдено е присуство на забранети средства кај спортистот во алпско скијање. Како резултат на строго и прецизно пропишаната процедура на WADA, до конечна потврда на наодот, процедурите предвидуваат времена суспензија на спортистот и се активира механизмот на замена од претходно утврдената листа на потенцијални кандидати („long list“). Согласно овој официјален систем на рангирање, следен спортист со исполнета олимписка квота е Виктор Петков, кој по процедурален пат станува дел од официјалната делегација“, соопштуваат од МОК.
Од Македонскиот олимписки комитет потенцираат дека за сите понатамошни информации, појаснувања и официјални ставови поврзани со случајот, јавноста треба да се обрати исклучиво до НАДО МКД, како единствено надлежна институција за вакви прашања.
Учество во игри на среќа е дозволено за лица со 18+ години. Играј одговорно!