Манчестер јунајтед веднаш тргна во акција и најде замена за Доргу?

Манчестер Јунајтед по повредата на Патрик Доргу би можел да го ангажира Кадер Меите, пишува „Гардијан“.

Доргу има проблеми со задната ложа и може да отсуствува неколку недели, па се наведува дека Јунајтед сега разгледува можност да донесе замена како покритие во нападот.

Меите игра како напаѓач во Рене. Има 18 години и оваа сезона има постигнато три гола во Лига 1, а францускиот репрезентативец до 21 година привлече интерес од Ал Хилал.

Според „Гардијан“, Јунајтед наводно веќе контактирал со претставниците на Меите, додека се одлучува дали да доведе класична деветка или играч за крилната позиција.