Шампионот на колена на „Виталити“: Борнмут го расплака Ливерпул (Видео)

Борнмут приреди големо изненадување во 23. коло од Премиер лигата, совладувајќи го актуелниот шампион Ливерпул со 3-2 на стадионот „Виталити“.

Домашниот тим влезе агресивно и без респект кон фаворитот, па уште во раната фаза ја стекна предноста со головите на Еванилсон и Алехандро Хименез за водство од 2-0. Ливерпул успеа да се врати во игра пред паузата, кога Вирџил ван Дајк ја намали разликата на 2-1.

Во второто полувреме „црвените“ целосно ја презедоа иницијативата и постојано вршеа притисок кон голот на Ѓорѓе Петровиќ, а упорноста им се исплатеше во 80. минута, кога Доминик Собослаи израмни на 2-2.

Сепак, Борнмут не се откажа и до самиот крај создаваше опасни ситуации. По неколку пропуштени шанси, наградата стигна во судиското продолжение – во 95. минута Амин Адли најдобро се снајде по корнер и го постигна победничкиот гол за огромна радост на домашната публика.