Најбогатите 20 фудбалски тимови на светот: Се соборија нови рекорди!

Најголемата ревизорска компанија во светот, Делоит, го објави годишниот извештај “Фудбал Мани Лига” кој ги анализира клубовите со најголеми приходи во светскиот фудбал. Сезоната 2024/25 донесе нови рекорди, бидејќи за првпат 20-те најбогати клубови заедно генерираа приходи над 12 милијарди евра.

Откако стана првиот фудбалски клуб кој оствари приход од милијарда евра во сезоната 2023/24, Реал Мадрид, вицешампион на Шпанија, повторно го надмина тој рекорд, постигнувајќи речиси 1,2 милијарди евра во сезоната 2024/25 (споредено со 1 милијарда евра во 2023/24), зацврстувајќи ја својата позиција како водечки клуб на светот, според анализата на компанијата. Шпанскиот клуб заработил 594 милиони евра од комерцијални активности, благодарение на зголемената продажба на промотивни производи и спонзорски договори. Само овој износ би бил доволен Реал Мадрид да се најде меѓу првите 10 клубови на овогодишната листа на Money League.

Список на 20-те најголеми клубови

1. Реал Мадрид – 1.161.000.000 евра
2. Барселона – 974.800.000 евра
3. Баерн Минхен – 860.800.000 евра
4. ПСЖ – 837.000.000 евра
5. Ливерпул – 836.000.000 евра
6. Манчестер сити – 829.300.000 евра
7. Арсенал – 821.700.000 евра
8. Манчестер јунајтед – 793.100.000 евра
9. Тотенхем – 672.600.000 евра
10. Челзи – 584.100.000 евра
11. Интер Милано – 537.500.000 евра
12. Борусија Дортмунд – 531.300.000 евра
13. Атлетико Мадрид – 454.500.000 евра
14. Астон Вила – 450.200.000 евра
15. Милан – 410.400.000 евра
16. Јувентус – 401.700.000 евра
17. Њукасл – 398.400.000 евра
18. Штутгарт – 246.000.000 евра
19. Бенфика – 283.400.000 евра
20. Вест Хем – 276.000.000 евра