Вардар по доведувањето на Леон Љевар не застанува со активностите на трансфер-пазарот, а според најавите од хрватските медиуми, „црвено-црните“ би можеле да се засилат со уште еден хрватски ракометар.
Зошто проблемот со улични кучиња СÈ УШТЕ постои? | Уште еден поткаст
Станува збор за Ивано Павловиќ, актуелен репрезентативец на Хрватска кој настапува на Европското првенство, каде што неговата селекција обезбеди пласман во втората фаза. Павловиќ е член на Загреб од 2024 година, откако претходно го носеше дресот на Извиѓач Љубушки и важи за еден од поинтересните млади ракометари во регионот.
Сепак, Вардар не е единствениот клуб кој ја следи неговата ситуација. Во трката за неговиот потпис, според истите извори, се вклучени и европските ракометни имиња како ПИК Сегед, Бенфика и Спортинг Лисабон.
Дополнителен предизвик за потенцијалните заинтересирани клубови е долгорочниот договор на Павловиќ со Загреб, кој важи до 2029 година, што значи дека евентуалниот трансфер би подразбирал и плаќање на соодветна отштета.
🚨🇭🇷 IVANO PAVLOVIĆ IN DEMAND!
— Hen Livgot (@Hen_Livgot) January 22, 2026
22.yo Croatia intl. RK Zagreb centre back is wanted by Sporting, Benfica, PICK Szeged & Vardar that tracking him.
© Hen Livgot (@livgot)#Handball pic.twitter.com/eJEAm8wZ4L
Учество во игри на среќа е дозволено за лица со 18+ години. Играј одговорно!