Хаос во Мелбурн, тенисер тргна да се тепа со навивач: Судијата трчаше низ теренот да спречи физичка пресметка (Видео)

Топло попладне во Мелбурн, со температури над 30 степени Целзиусови, скоро се претвори во целосен хаос на теренот! Шпанскиот тенисер Алехандро Давидович Фокина беше дел од неверојатен инцидент за време на мечот од второто коло против Американецот Рајли Опелка, кога во еден момент тргна кон трибините со намера да се физички пресмета со еден навивач.

Сè започна кога харизматичниот, но жешкокрвен Шпанец почна да губи контрола врз мечот. Иако водеше со 2:0 во сетови, „бомбардерот” Опелка испука дури 40 аса и почна да ја топи предноста. Во четвртиот сет, при резултат 2:1 за Американецот, Давидович Фокина се фати за глава.

Главната цел на неговиот гнев беше група навивачи кои со својот изглед (долги брада и коса) потсетуваа на Опелка, а кои цело време беа премногу гласни. Сепак, еден од нив ја премина границата и на Шпанецот му упати непристоен гест, што беше капката која ја преле седела.

Давидович Фокина го остави рекетот и беснеејќи тргна директно кон трибината, без да го тргне погледот од провокаторот. Ситуацијата мирисаше на физички инцидент, но тогаш на сцена стапи британскиот судија од столчето Нико Хелверт.

🤬 Davidovich се соочува со фан поради недостаток на почит.#AusOpen #AO26 pic.twitter.com/D0tiKKvuEd

— Eurosport.es (@Eurosport_ES) January 21, 2026