Грилиш сака да одгледува зеленчук: Во спор е со локалните жители поради градина зад неговата вила од шест милиони евра

Фудбалерот на Евертон, Џек Грилиш (30), се наоѓа во спор со локалните власти околу плановите за шумското земјиште зад неговата луксузна вила која вреди 5,6 милиони фунти (6,4 милиони евра). Грилиш има намера да го пренамени земјиштето во градина, бидејќи, како што истакнува, „сака да одгледува зеленчук“, но општината е загрижена дека таквото решение би можело да отвори пат за идни градежни проекти на имотот, известува The Sun.

Барање за пренамена

Грилиш поднел барање за документ кој ќе потврди дека за тековната употреба на земјиштето како градина не е потребна градежна дозвола. Во неговото барање, играчот кој моментално игра на позајмица во Евертон од Манчестер Сити, изјавува дека тој, неговата девојка Саша Атвуд и ќерката Мила уживаат во користењето на имотот.

“Кога го купив имотот, со семејството редовно уживаме во индивидуални тренинзи и часови по голф, часови и натпревари по тенис, како и во пловидба и риболов на езерото. Тревниците ги користиме за дружења со пријатели и рекреација. Градинарските простори ги користиме за тренирање на нашето куче, а зеленчук одгледуваме на градинарските леи,” додадено е во барањето на Грилиш.

Загриженост на локалните жители

Локалната општина се спротивставува на барањето, тврдејќи дека класификацијата на 9,6 хектари земјиште како градина би можела да доведе до понатамошни барања за изградба. Општината стравува дека фудбалерот може да го претвори својот имот во “урбанистичко ширење”. Во нивниот приговор, тие се повикуваат и на дефиницијата на градина од Оксфордскиот речник.

“Општината поднесува приговор на ова барање од неколку причини. Пределот на барањето вклучува земјиште кое не се смета за ‘градина’ како што е дефинирано во Оксфордскиот речник, кој гласи дека тоа е ‘парче земја покрај приватна куќа, обично оградена, каде се одгледува цвеќе, овошје или зеленчук и обично се користи за рекреација’,” се наведува во приговорот од општината.

Историја на спорот и Зелениот појас

Советот потсети дека барањето на претходниот сопственик од 2022 година беше одбиено. Приговорот тогаш се темелеше на “спротивставеноста со суштинските карактеристики на Зелениот појас, кои се од отворање и трајност, и спречување на урбанистичкото ширење преку одржување на нивната отвореност”. Властите изјавуваат дека има мала разлика помеѓу претходното барање и она поднесено од страна на Грилиш.

Тие исто така истакнале дека претходниот сопственик пред купувањето од страна на Грилиш сакал да изгради пензионерски комплекс на имотот, но тие предлози беа одбиени во февруари 2022 година. Барањето на Грилиш го поддржале поранешниот главен градинар на вилата и претходниот сопственик на имотот, но конечната одлука ќе ја донесе советот на Чешир Ист.