Голманот на Барселона, Марк-Андре тер Штеген, постигнал усмен договор за негово преминување во Жирона, ексклузивно известува Фабрицио Романо.
Германецот ќе се пресели кај жиронците на заем до крајот на сезоната. Двата клуба исто така постигнале договор и се очекува зделката да биде завршена до крајот на оваа седмица.
До кога ќе дишеме отровен воздух!? | Уште еден поткаст
До летото, чуварот беше еден од најважните играчи во составот на каталонците и еден од капитените на тимот. Односите помеѓу Марк-Андре тер Штеген и раководството на клубот се влошија нагло во летото, кога на „Камп Ноу“ беше привлечен Жоан Гарсија од Еспањол и веднаш беше назначен како нов број еден. Германскиот репрезентативец јавно го изрази своето разочарување од тоа што не бил информиран за тие одлуки и одби да замине. Набргу потоа, чуварот се подложи на операција и отсуствуваше во поголемиот дел од есенскиот полусезон.
Учество во игри на среќа е дозволено за лица со 18+ години. Играј одговорно!