Македонија ремизираше со Португалија

Македонската ракометна селекција одигра нерешено против Португалија (29-29), но сепак имаме за што да жалиме бидејќи можевме да дојдеме до триумф.

Натпреварот во првиот дел беше дури 11 пати со нерешен резултат, а кон средината на полувремето македонските ракометари поради три исклучувања имаа шест минути играч помалку, сепак на одмор заминавме со негатива од два гола (15:13).

Второто полувреме не го отворивме добро, но сепак не дозволивме Португалија да се одлепи, а на крајот гледавме вистинска драма.

Последниот напад на Португалија траеше премногу долго, а во тие моменти голманот Мартин Томовски имаше две одбрани за конечни 29:29, но Серафимов не успеа да ја задржи топката за да имаме напад за победа.

Фото: РФМ