„Земјотрес“ во Манчестер: Гвардиола следната недела го напушта Сити!?

По поразот во градското дерби од Манчестер Јунајтед, спортскиот коментатор Ричард Киз предвиди дека тренерот Пеп Гвардиола може да го напушти Манчестер Сити веќе во наредната недела. Кејс смета дека ако тоа не се случи сега, шпанскиот тренер „дефинитивно“ ќе замине на крајот од сезоната.

Иако договорот на Гвардиола со Манчестер Сити истекува во 2027 година, во медиумите веќе некое време се шпекулира дека може да го заврши својот престој на „Етихад“ на крајот од актуелната сезона. Поранешниот тренер на Баерн од Минхен неколкупати беше прашан за својата иднина и во декември изјави дека заминување “не е на маса” во овој момент.

И покрај изјавите на Гвардиола, Киз по поразот од Манчестер Јунајтед изрази смела прогноза. Спекулира дека неодамна отпуштениот тренер на Челси, Енцо Мареска, може да го преземе водството на тимот ако Гвардиола замине следната недела, додека ако замине на лето, Винсент Компани од Бајерн би се вратил на Етихад како менаџер.

На beINSPORT, Кејс рече: “Ќе го кажам тоа пак, мислам дека е сигурно дека заминува на крајот од сезоната, но не го исклучувајте ова, а ако се случи, сетете се каде прв пат го чувте ова, не го исклучувајте неговото заминување оваа недела. А ако замине оваа недела, Мареска ќе биде задолжен за натпреварот против Волвс.”