Спектакл во Мелбурн: Федерер се врати на теренот и ја покажа класата (Видео)

Иако пред три и пол години официјално ја заврши својата професионална кариера, познатиот Швајцарец Роџер Федерер (44) покажа дека е сѐ уште во одлична форма.

Спектаклот за паметење го приреди еден од најголемите тенисери на сите времиња на публиката во полната Род Лејвер арена во Мелбурн.

Одигра еден тренинг тај-брејк со 13. тенисер во светот, Каспер Руд, и доминираше како во најдобрите денови.

На општо воодушевување на љубителите на тенисот ширум светот, 44-годишниот Федерер победи со резултат 7:2.

Навивачите на „Род Лејвер арената“ паднаа во транс, особено кога по одличниот сервис на Руд испрати совршена бекхенд паралела во аголот на теренот.

Враќањето на теренот на Роџер не сакаше да го пропушти ни неговиот голем ривал Новак Ѓоковиќ, кој беше фатен како во живо на стадионот го следи тенискиот шоу на познатиот Швајцарец.