Погледнете ја статистиката на Винисиус во историскиот срам на Реал Мадрид

Фудбалерите на шпанскиот второлигаш Албасете приредија изненадување победувајќи го Реал Мадрид со 3:2 во осминафиналето на Купот на кралот.

Тоа беше деби од “кошмарите” за новиот тренер на Реал Алваро Арбејоле, и продолжение на катастрофалните денови за Кралскиот клуб.

Да потсетиме, Реал во неделата загуби од Барселона во финалето на Суперкупот, потоа беше сменет тренерот Чаби Алонсо, а сега стигна и пораз од 17. тим на “Сегунда”. И тоа прв во историјата.

Мбапе не беше во составот на Реал, па улогата на главната ѕвезда ја презеде Винисиус, а можеби подобро ќе беше да не беше. Бразилецот разочара кога најмногу требаше и одигра ужасен натпревар, а поразот од второлигашот сигурно му е најтежиот во кариерата после поразот од Хрватска во Катар.

Бразилскиот напаѓач одигра 90 минути, имаше три удари кон голот, од кои само еден во рамките.

Она што посебно загрижува е податокот дека 23 пати ја изгуби топката, покрај сето тоа, два пати беше во офсајд, приказна како од кошмар.