Отказот на Чаби Алонсо од тренерската позиција на Реал Мадрид ги изненади играчите на кралскиот клуб, кои за оваа вест дознаа преку официјално соопштение. Сепак, не недостасуваа реакции – пораките на благодарност и почит почнаа да пристигнуваат веднаш.
Прв се огласи Килијан Мбапе преку својата Инстаграм страница, каде што емотивно се опрости од поранешниот тренер на „Белите“.
До кога ќе дишеме отровен воздух!? | Уште еден поткаст
“Иако краток период, беше чест и задоволство да играм и да учам од вас. Ве почитувам што во мене вложивте доверба уште од првиот ден. Ќе ве помнам како тренер со јасна визија и длабоко разбирање за фудбалот. Среќно во вашето ново поглавје”.
Според информациите на Фабрицио Романо, Чаби испратил порака до управата на клубот, потенцирајќи дека клубот не треба секогаш да зазема страна на играчите.
“Не може на играчите да им се дозволи толкава моќ. Неизбежно е тренерот да има контрола во соблекувалната, ако клубот секогаш е на страната на играчите”, пренесе La SER.
Учество во игри на среќа е дозволено за лица со 18+ години. Играј одговорно!